སིར་ལངྐཱ་གི་གསོ་བའི་ལས་བྱེད་ཚུ་གིས་རྒྱ་གར་ལུ་དགའ་ཚོར་བསྐྱེད་དོ་ཡོདཔ་ཨིན།
འཕྲལ་ཁམས་ཅིག་ཁར་སིར་ལངྐཱ་འདི་དཔལ་འབྱོར་ལུ་བྱེམ་ཕོག་སྟེ་གནས་སྟངས་ལཱ་ཁག་ཅིག་ལས་ཕར་འགྱོ་བའི་བསྒང་ཡོདཔ་ཨིན་མས། འདི་ལུ་བརྟེན་ཅ་རྣམ་གྱི་གོང་ཚད་ཡར་ཕར་མ་ཚད་སྨན་ཚུ་མ་ལང་པར་ཡོདཔ་ལས་མི་སེར་ཚུ་གིས་གཞུང་ལུ་ངོ་བརྒོལ་འབད་དོ་ཡོད་ཨིན་མས།
འདི་བཟུམ་དཀའ་ངལ་འབྱུང་སྡོདཔ་ད་རྒྱ་གར་གཞུང་གིས་སྨན་ཚུ་གྲོགས་རམ་འབད་བྱིན་ཡོདཔ་ལས་གསོ་བའི་ལས་བྱེད་དང་མི་སེར་ཚུ་སེམས་དགའ་འདི་ཡོདཔ་ཨིན་མས། རྒྱལ་ཁབ་འདི་གི་མིག་ཏོག་སྨན་ཁང་གི་མདོ་ཆེན་ཌོག་ཊར་ད་མི་ཀཱ(Dr.Damika) གིས་རྒྱ་གར་གཞུང་ལུ་དགའ་འཚོར་ཡོད་ལུགས་ཚུ་ANI གནས་ཚུལ་ནང་གསུང་ཡོདཔ་ཨིན་མས།རྒྱ་གར་གཞུང་གིས་སྨན་མ་ལང་པའི་གནམ་དུས་ལུ་སྨན་ཚུ་དུས་ཚོད་ཁ་ལུ་དགོས་མཁོ་དང་བསྟུན་བཀྲམ་སྤེལ་འབད་ཡོདཔ་ཨིན་མས།སྨན་ཚུ་ཡང་ད་རེས་ཀྱི་ཟླ་ངོ་ཅིག་ལངམ་སྦེ་བསག་བརྫོད་ནང་བསག་བཞག་སྟེ་ཡོད་པའི་གནས་ཚུལ།
འབྲུག་མི་ཕོ་སྐྱེས་ཅིག་ རྒྱ་གར་ལས་ ཉེན་སྐྱོབ་འབད་ཡོདཔ། ཕུན་ཚོགས་གླིང་ལུ་ བཀའ་ཁྲིམས་འགོ་དཔོན་ཚུ་གིས་ འབྲུག་མི་སྐྱེས་ལོ་༥༥ ལང་མི་ རྡོ་རྗེ་དབང་འདུས་དེ་ རྒྱ་གར་གྱི་ས་མཚམས་ཁྲོམ་སྡེ་ ཇའི་སྒང་ལས་ རྩིས་ལེན་ཡོདཔ་ཨིན་པས། རྡོ་རྗེ་དབང་འདུས་དེ་ སྐྱེས་ཡུལ་ ལྷུན་རྩེ་མཁོ་མ་ལས་ཨིན་པས། གནས་ཚུལ་གྱི་ འབྱུང་ཁུངས་ཚུ་དང་འཁྲིལཝ་ད་ རྡོ་རྗེ་དེ་ འབྲུག་ལུ་ ལོག་འོང་མ་ཚུགས་པར་ རྒྱ་གར་གྱི་ས་གནས་ མཱལ་བ་ཛར་དང་ ས་ལུ་ག་ར་ ཀ་ལིམ་སྤོང་ མང་པོ་ དར་ཇེ་གླིང་ཚུ་གི་བར་ན་ སྤྱང་འཁྱམས་ཏེ་ སྡོད་ནུག་ཟེར་ཨིན་པས། སྤྱི་ཟླ་༢ པའི་ཚེས་༢༦ ལུ་ རྡོ་རྗེ་དབང་འདུས་དེ་ བག་ར་ཀོ་ཏི་-མེསི་ཟེར་མིའི་ སྦོ་ལོགས་ཁར་ མཐོང་ཡོདཔ་བཞིན་དུ་ ཌུ་ཝརསི་ ཨེསི་པེ་རེསི་མེལ་དང་ བྱང་བེང་གཱལ་དང་ སི་ཀིམ་ལས་ སྐྱེ་བོ་ནག་ཚོང་བཀག་སྡོམ་འབད་མི་ གཞུང་མིན་ལས་སྡེ་ཅིག་དང་ ས་གནས་ཀྱི་ གནས་ཚུལ་་ལས་སྡེ་ཅིག་གིས་ འབྲུག་གི་དབང་འཛིན་ཚུ་དང་ མཉམ་འབྲེལ་ཐོག་ལས་ འབྲུག་ལུ་གཏང་ནིའི་ རྒྱབ་སྐྱོར་འབད་ཡོདཔ་ཨིན་པས། རྡོེ་རྗེ་དེ་ ད་རིས་དྲོ་པའི་ཆུ་ཚོད་༡༠.༥༠ ལུ་ འབྲུག་པའི་ས་ཁོངས་ནང་ འཛུལ་ཞུགས་འབད་ཡོདཔ་ད་ ཁོ་ར་ རྒྱལ་ཁབ་ནང་ ལོག་འོང་པའི་ ཟད་འགྲོ་ག་ར་ འབྲུག་གཞུང་གིས་ བཏང་ཡོད་པའི་གནས་ཚུལ།
Comments
Post a Comment