ཤྲཱི་ལངྐའི་རྒྱལ་ས་ ཀོ་ལོ་བོ་ལུ་ མི་སེར་ཁོང་ཁྲོ་ལང་མི་ བརྒྱ་ཕྲག་ལེ་ཤ་ཅིག་གིས་ངོ་རྒོལ། སྤྱི་ཟླ་ ༤ པའི་ཚེས་ ༡ ལུ་ ཤྲཱི་ལངྐའི་ རྒྱལ་ཁབ་ནང་ དཔལ་འབྱོར་གྱི་ དཀའ་ངལ་ལུ་བརྟེན་ཏེ་ ཁོང་ཁྲོ་ལང་མི་ མི་སེར་བརྒྱ་ཕྲག་ལེ་ཤ་ཅིག་ ཤྲཱི་ལངྐའི་རྒྱལ་ས་ ཀོ་ལོ་བོ་ལུ་ སྲིད་འཛིན་གྱི་ གཟིམ་ཅུ་ནང་ ངོ་རྒོལ་འབད་བར་ འགྱོ་མི་ཚུ་ བཀག་ཐབས་ལུ་ སྲུང་སྐྱོབ་དམག་མི་ མང་རབས་ཅིག་ བཙུགས་ཡོདཔ་ཨིན་པས། དེ་ཡང་ རྒྱལ་ཁབ་དེ་ནང་ ཉེ་བར་མཁོ་བའི་ ཅ་ཆས་ཚུ་ ཐོབ་མ་ཚུགས་པའི་ཁར་ གོང་ཚད་ཚུ་ཡང་ ཡར་འཕར་སྦོམ་སྦེ་ར་ སོང་ཡོདཔ་ད་ གློག་མེ་ཚུ་ཡང་ བཏོག་བཏང་མི་དེ་ སྤྱི་ལོ་ ༡༩༤༨ ལུ་ རྒྱལ་ཁབ་དེ་ རང་དབང་ཐོབ་ཞིནམ་ལས་ཚུར་ དེ་བཟུམ་མའི་ དཀའ་ངལ་སྦོམ་ཐོན་མི་ཚུ་ འགོ་དང་པ་ཨིནམ་ལས་ སྲིད་འཛིན་དེ་ དགོངས་ཞུ་འབད་དགོ་པའི་ མཁོ་འདོད་བཀོད་དེ་ ངོ་རྒོལ་འབད་ནུག། དེ་སྦེ་ ངོ་རྒོལ་འབད་མི་ཚུ་གིས་ དམག་སྡེའི་སྣུམ་འཁོར་བཱཛ་ ༢ དང་ ཁྲིམས་སྲུང་འགག་སྡེའི་ སྣུམ་འཁོར་ཇིབ་ཅིག་ལུ་ མེ་སྤར་ཡོདཔ་མ་ཚད་ འགོ་དཔོན་ཚུ་ལུ་ ས་པག་ཅུང་ཚུ་ཡང་ བཀོག་ཐོག་ལས་ ངོ་རྒོལ་འབད་ནུག་ཟེར་ བཀོད་འདུག་པའི་གནས་ཚུལ,