པ་ཀིཛ་ཏཱན་ལུ་ རྫས་བམ་གས་བཅུག་སྟེ་ མི་གྲངས་ ༣༠ ལྷགཔ་ཅིག་ལུ་ཤི་རྐྱེན། བི་བི་སི། སྤྱི་ཟླ་ ༣ པའི་ཚེས་ ༤ ལུ་ པ་ཀིཛ་ཏཱན་གྱི་ ནུབ་བྱང་ཁྲོམ་སྡེ་ པེ་ཤ་ཝར་ཟེར་སར་ ཁ་ཆེའི་ལྷ་ཁང་ཅིག་ནང་ རྫས་བམ་གས་བཅུགཔ་ལས་ མི་གྲངས་ ༣༠ ལྷགཔ་ཅིག་ལུ་ ཤི་རྐྱེན་དང་ ༥༠ དེ་ཅིག་ལུ་ རྨ་སྐྱོན་བྱུང་ནུག། དེ་ཡང་ མི་མང་ལེ་ཤ་ཅིག་ ལྷ་ཁང་ནང་ འདུ་འཛོམས་འབད་དེ་ ཁ་ཐུན་བཏང་སྡོདཔ་ད་ རང་སྲོག་བཅད་ཐོག་ལས་ རྫས་བམ་གས་བཅུག་ཡོད་རུང་ དེ་བཟུམ་མའི་ བྱ་ངན་འབད་མིའི་སྐོར་ལས་ ངོ་རྒོལ་སྡེ་ཚན་ག་གིས་ཡང་ ཁ་བཟེད་མ་བཏུབ་ཨིན་པས། ག་དེ་སྦེ་ཨིན་རུང་ རྒྱལ་ཁབ་དེ་ཁར་ འདས་པའི་ལོ་ཚུ་ནང་ རྫས་བམ་གས་བཅུག་སྟེ་ མི་སེར་སྟོང་ཕྲག་ལེ་ཤ་ཅིག་ དམར་བསད་འབད་ནུག་ཟེར་ བཀོད་འདུག་པའི་གནས་ཚུལ།