ར་ཤི་ཡའི་ དམག་སྡེ་གིས་ ཡུ་ཀེ་རེན་ རྒྱལ་ཁབ་ནང་ དྲག་བཅོམ་འབད་ཡོདཔ་ལས་ ཡུ་ཀེ་རེན་གྱི་ མི་སེར་ཚུ་ བྲོས་བྱོལ་ཐོག་ལས་ ས་འོག་གི་ རེལ་ལི་འབབ་ཚུགས་ཚུ་ནང་ སྒར་བཅགས་ཏེ་ སྡོད་དོ་ཡོདཔ་ཨིན་པས། དེ་ཡང་ ཡུ་ཀེ་རེན་གྱི་རྒྱལ་ས་ ཀིབ་དང་ ཁར་ཀིབ་ལུ་ སྡོད་མི་ཚུ་ཨིནམ་ད་ ཁོང་ཆ་ཁྱབ་ རེལ་ལི་འབབ་ཚུགས་ཚུ་ནང་ རང་སོའི་བེག་ཚུ་གིས་ མཐའ་བསྐོར་ཏེ་ གོ་ལ་ཚུ་ ཚ་ཏོག་ཏོ་ གྱོན་ཐོག་ལས་ ཞག་ཉལཝ་ཨིན་པས་ཟེར་ གནས་ཚུལ་ཅིག་ནང་བཀོད་ནུག། མ་གཞི་ ཡུ་ཀེ་རེན་ལུ་ ནུབ་མོར་འགྲུལ་བཀག་འབད་ཡོད་རུང་ རེལ་ལི་འབབ་ཚུགས་ཚུ་ རྫས་བམ་ལས་ ཟུར་སྡོད་ས་སྦེ་ ལག་ལེན་འཐབ་དོ་ཡོདཔ་ད་ མི་སེར་ ༡༠༠,༠༠༠ ལྷགཔ་ཅིག་ ཁྱིམ་མཚེས་རྒྱལ་ཁབ་ཚུ་ནང་ བྱོག་སོང་ནུག་ཟེར་ བཀོད་འདུག་པའི་གནས་ཚུལ།